Jep dorëheqje kryedirigjenti i Teatrit Bolshoi, për shkak të pushtimit rus

Për shkak të pushtimit rus, kryedirigjenti i Teatrit Bolshoi të Moskës me famë botërore, Tugan Sochiyev, largohet nga posti i tij.

Në të njëjtën kohë, ai jep dorëheqje edhe nga posti i tij si drejtor muzikor i orkestrës kombëtare në Shtëpinë e Operas Capitole në Toulouse, Francë. I detyruar të bënte “zgjedhjen e papranueshme” midis muzikantëve të tij të dashur rusë dhe francezë, ai vendosi të hiqte dorë nga të dy drejtimet muzikore.

“Sot në Evropë, unë jam i detyruar të bëj një zgjedhje dhe të zgjedh një anëtar të familjes sime muzikore mbi tjetrin,” tha Sochiev. Shumë njerëz do të kishin pritur qëndrimin e tij “për atë që po ndodh aktualisht”, shkruan Sochiev, pa përmendur luftën.

Ai kurrë nuk ka mbështetur konfliktet e armatosura dhe në 20 vitet e karrierës së tij muzikore ka përkrahur e mbështetur gjithmonë viktimat e të gjitha konflikteve./21Media