Jep dorëheqje kryeministri i Italisë

Kryeministri i Italisë, Mario Draghi, ashtu siç pritej, dha dorëheqje pasi Qeveria e tij nuk i mbijetoi një mocioni të votëbesimit.
Në një deklaratë, zyra e Presidentit Sergio Mattarella tha të enjten se Draghi do të mbetet në krye të çështjeve aktuale. Mattarella tani pritet të shpërndajë parlamentin dhe të shpallë zgjedhje të parakohshme, transmeton rtv21.tv.
Koalicioni i unitetit kombëtar i Draghit, i krijuar në fillim të vitit të kaluar në thellësi të krizës Covid-19, u shpërbë të mërkurën pas një debati të egër parlamentar. Dalja e tij vjen pasi ekonomia e tretë më e madhe e eurozonës përballet me sfida në rritje, duke përfshirë ngadalësimin e rritjes, inflacionin dhe kostot më të larta të huamarrjes./21Media