Jubileu i Platinumit përmes fotove, Harry dhe Meghan i bashkohen Familjes Mbretërore
Familja mbretërore dhe të ftuarit kanë marrë pjesë në një shërbim falënderimi për Mbretëreshën në Katedralen e Shën Palit – por pa vetë monarkun. Ajo është duke pushuar në Kështjellën Windsor dhe besohet se e ka parë shërbimin në televizor.
Shumë politikanë ishin midis të ftuarve, duke përfshirë kryeministrin aktual Boris Johnson dhe gruan e tij Carrie.
Ndër anëtarët e parë të familjes mbretërore që mbërritën ishin Zara Tindall, vajza e Princeshës Anne dhe burri i saj Mike Tindall, përcjell portali rtv21.tv
Princi Andrew nuk ishte në shërbim sepse ishte i infektuar me Covid, por të dy vajzat e tij ishin aty. Princesha Beatrice mbërriti me bashkëshortin e saj Edoardo Mapelli Mozzi.
Princesha Eugenie mbërriti me burrin e saj, Jack Brooksbank.
Menjëherë pas kësaj, Princi Harry dhe Meghan, Dukesha e Sussex, mbërritën në shërbim. Ishte hera e parë që ata u panë në publik që kur erdhën në Mbretërinë e Bashkuar nga shtëpia e tyre në Kaliforni për të marrë pjesë në festimet e Jubileut të Platinumit.
Ata u pasuan nga Princesha Anne dhe burri i saj Tim Laurence, Princi Edward dhe gruaja e tij Sophie, kontesha e Wessex dhe fëmijët e tyre.
Princi William dhe gruaja e tij Catherine, Dukesha e Kembrixhit, erdhën pa fëmijët e tyre.
Të ftuarit e fundit që mbërritën ishin Princi i Uellsit dhe gruaja e tij Camilla, Dukesha e Cornwall.
Sapo filloi shërbimi, zoti Johnson mbajti një fjalim.
Anëtarët më të vjetër të familjes mbretërore u ulën së bashku në pjesën e përparme.
Familja Wessex, Princesha Eugenie, Princesha Beatrice dhe Princi Harry, u ulën përtej rreshtit./21Media
Pas shërbesës, familja u largua me kortezh.
