Juventusi dhe Ramsey shkëpusin kontratën

Tanimë është e konfirmuar që gjiganti italian, Juventus, dhe mesfushori uellsian, Aaron Ramsey, kanë ndarë rrugët.
Juventusi dhe Ramsey kanë shkëputur kontratën, pasi që marrëveshja u nënshkrua nga të dy palët sot.
Ramsey tani do të jetë në formën e lojtarit të lirë, dhe mund t’i bashkohet cilitdo klub me parametra zero.
Në anën tjetër, “Zonja e Vjetër” ka gjetur zëvendësuesin e Ramseyt te gjiganti francez, Paris Saint-Germain, ku thuhet se është duke e kërkuar mesfushorin Leandro Paredes.
Por për Juventusin transferimi i mesfushorit argjentinas do të jetë problem, pasi që duhet që ta largojë edhe një lojtar në mënyrë që të nënshkruajë me Paredes.