Katari i përgjigjet fqinjëve

Katër shtete arabe akuzojnë Katarin për mbështetje të terrorizmit

Katari, i kritikuar për mbështetje të dyshuar të islamikëve ekstremistë dhe për afrimin me Iranin, i dorëzoi sot ndërmjetësit kuvajtian përgjigjen zyrtare ndaj kërkesave të Arabisë Saudite dhe aleatëve të saj, që kanë zgjatur me 48 orë ultimatumin e tyre ndaj këtij vendi.

Përgjigja ndodhej në një mesazh që emiri i Katarit, sheiku Tamim ben Hamad Al Thani ia dorëzoi emirit të Kuvajtit, sheiku Sabah al Ahmad Al Sabah. Përmbajtja e këtij mesazhu nuk është publikuar.

Të dielën në mesnatë që përfundonte ultimatumi prej 10 ditësh, Katari kishte premtuar se do t’i jepte një përgjigje Arabisë Saudite dhe aleatëve të saj për kërkesat e tyre.