Kina dënon vizitën e Pelosi-t si një shkelje të rëndë

Ministria e Punëve të Jashtme të Kinës e dënoi ashpër vizitën e Nancy Pelosi-t në Tajvan, duke e cilësuar atë një “shkelje serioze të parimit Një Kinë” që do të ketë një “ndikim të rëndë” në themelin politik të marrëdhënieve Kinë-Shtete të Bashkuara të Amerikës.
Në një deklaratë, ministria tha se vizita e kryetares së Dhomës së Përfaqësuesve “cënon seriozisht sovranitetin dhe integritetin territorial të Kinës”, përcjell rtv21.tv
“Ai minon rëndë paqen dhe stabilitetin përgjatë ngushticës së Tajvanit dhe dërgon një sinjal seriozisht të gabuar për forcat separatiste për ‘pavarësinë e Tajvanit’”, tha ministria, raporton BBC
Kina i kërkoi me forcë SHBA-së që “të ndalojë së luajturi “kartën e Tajvanit” dhe të ndërhyjë në punët e brendshme të Kinës dhe “të mos shkojë më tej në rrugën e gabuar dhe të rrezikshme”.
Pelosi është zyrtarja më e lartë amerikane që viziton Tajvanin në 25 vjetët e fundit. Ajo udhëtoi për në Tajpei nga Malajzia. Po ashtu, pas vizitës në Tajvan Pelosi do të vizitojë Japoninë dhe Korenë e Jugut./21Media