Kitaristi legjendar amerikan rrëzohet në skenë
Kitaristi legjendar amerikan Carlos Santana është rrëzuar në skenë gjatë një koncerti në ambient të hapur pranë Detroit, Michigan.
Personeli mjekësor e trajtoi 74-vjeçarin të martën dhe ai u dërgua në departamentin e urgjencës të një spitali lokal për vëzhgim.
Santana, i cili ka lindur në Meksikë, më vonë shkroi në faqen e tij në Facebook se ai “harroi të hante dhe të pinte ujë” dhe “kështu që u dehidratova”, përcjell portali rtv21.tv
Menaxheri i tij Michael Vrionis tha se muzikanti po bënte më mirë.
Megjithatë, ai shtoi se një shfaqje e planifikuar për të mërkurën në Burgettstown, Pensilvani, “do të shtyhet për një datë të mëvonshme”.
Janë shfaqur pamjet që tregojnë Santanën duke u ndihmuar jashtë skenës në teatrin muzikor të Clarkson’s Pine Knob. Në video, ylli përshëndeti audiencën teksa po largohej me një barelë.
Përfaqësuesit e fituesit 10 herë të çmimit Grammy thanë se ai vuante nga “lodhja dhe dehidratimi”.
Kitaristi dhe grupi i tij Santana kanë qenë në turne në Amerikën e Veriut me shfaqjen e tyre Miraculous Supernatural./21Media
Dëshiron ta dëgjosh këtë lajm me zë?