Kjo është situata në pikëkalimet kufitare

Situata në pikat kufitare në të gjithë vendin mëngjesin e së martës paraqitet e qetë dhe pa radhë pritjeje.
Sipas të dhënave të Ministrisë së Punëve të Brendshme në shumicën prej pikëkalimeve kufitare pritjet nuk shkojnë më shumë se 5 minuta, si në hyrje ashtu edhe në dalje.
Ndryshim bën vetëm pikëkalimi në Merdare, ku pritjet janë deri në 15 minuta, si në hyrje ashtu edhe në dalje.
Edhe në Jarinje pritet shkojnë deri në 10 minuta, si në hyrje ashtu edhe në dalje.
Kujtojmë që, fundviti rikthen në Kosovë një numër të madh të bashkatdhetarëve që zgjedhin vendlindjen për të kaluar festat.