Konfiskohen rreth 500 kilogramë duhan që dyshohet se janë kontrabanduar
Policia e Kosovës gjatë një operiacioni që ka zhvilluar të marten në fshatin Libishtë të Vitisë, ka gjetur dhe ka sekuestruar sasi e konsiderueshme e duhanit të përpunuar dhe të pa përpunuar (në fletë) rreth 500 kg, ambalazhe për paketimin e duhanit, një peshore dhe një grirëse e duhanit.
“Mallrat të cilat dyshohet se janë kontrabanduar rrugëve ilegale nga Republika e Maqedonisë veriore në Republikën e Kosovës janë sekuestruar dhe së bashku me rastin me urdhër të Prokurorit i dorëzohen Doganës së Republikës së Kosovës për procedura të mëtejme.”, bën të ditur policia./21Media
Lexim me zë
Dëshiron ta dëgjosh këtë lajm me zë?