Korridoret e evakuimit nga Sumy do të vendosen sot

Korridoret e evakuimit nga katër qytete në rajonin verilindor Sumy të Ukrainës do të vendosen sot, sipas një zyrtari lokal.
Sipas një postimi në Telegram nga Dmytro Zhyvytsky, kreu i administratës rajonale të Sumy-t, rrugët e evakuimit nga qytetet Sumy, Konotop, Trostianets dhe Lebedyn do të jenë në vend midis orës 09:00-21:00 me kohën lokale, transmeton rtv21.tv.
Sumy – afër kufirit rus – ka qenë subjekt i bombardimeve të rënda me raporte për ndërprerje të energjisë dhe ujit që nga pushtimi i Rusisë./21Media