“Kosova nuk do ta ketë të lehtë me qeverinë e re gjermane”

BBC në serbisht i ka dedikuar një artikull mbi ndikimin e qeverisë së re gjermane në Ballkan

Për këtë medium ka folur Engjëllushe Morina, e cila në Këshillin Evropian për Marrëdhënie me Jashtë merret me çështjet e Ballkanit.

Ajo ka thënë se Kosova nuk do ta ketë më të lehtë me qeverinë e re gjermane

“Duhet të ketë respekt të plotë për të drejtat e pakicave dhe, megjithëse besoj se qeveria e tij i mori ato parasysh, nuk e bëri këtë në një mënyrë që do t’u pëlqente shumë njerëzve”., thotë Engjëllushe Morina.

Kurse, Frauke Seebas, analiste në Institutin Gjerman për Politikë të Jashtme dhe të Sigurisë, thotë se megjithatë, qeveria e re e Kosovës, nuk do ta ketë të lehtë. Ajo mendon se qeveria gjermane “do të jetë më e qëndrueshme ndaj Kosovës, me më pak ngritje e rënie”.

“Berlini ishte më i zëshmi në avokimin për heqjen e masave kundër Kosovës për shkak të investimeve nga Gjermania, por kjo nuk ndodhi.”

“Megjithatë, kjo nuk i ndaloi zyrtarët gjermanë të takoheshin me Kosovën, pavarësisht sanksioneve”, thotë Seebas.

Ajo pret pak më pak luhatje në qëndrime nga qeveria e re gjermane.

“Mendoj se do të jetë më në përputhje me Kosovën, me më pak ulje-ngritje.”

“Por për shkak të bashkëpunimit më intensiv të pritur me Francën, si motori i BE-së, dhe Poloninë, kjo do të thoshte se qeveria e re e Kosovës nuk do ta ketë shumë më të lehtë sesa deri më tani.”

BBC shkruan se nuk ka dyshim që Gjermania do të vazhdojë ta mbështesë dialogun mes Kosovës dhe Serbisë edhe pse ai po zhvillohet shumë ngadalë, madje edhe në nivel teknik./21Media