Kosova pranon pajisje mjekësore nga Japonia

1 min read

Notice: Trying to get property 'post_excerpt' of non-object in /home/rtv21new/public_html/wp-content/themes/newsphere-pro/inc/hooks/hook-single-header.php on line 65

 

Ministria e Shëndetësisë sot ka pranuar 20 pompa shiringash dhe 10 elektrokardiograma si pjesa e parë e pajisjeve mjekësore të dhuruara nga Qeveria e Japonisë.

Vlera totale prej 810 mijë euro synon të mbështesë përpjekjet e Ministrisë së Shëndetësisë për të përmirësuar sistemin e saj shëndetësor dhe kapacitetet mjekësore në luftën kundër COVID-19.

Ministri i Shëndetësisë Arben Vitia shprehu vlerësimin e tij të lartë për mbështetjen e vazhdueshme të Qeverisë së Japonisë për sektorin shëndetësor me theks të veçantë në mbështetjen gjatë pandemisë me masa mbrojtëse, ilaçe, pajisje dhe mbështetjen që pritet në të ardhmen.

Ndërsa, ambasadori i Japonisë në Kosovë, Akira Mizutani deklaroi se është i kënaqur që të dorëzojë grupin e parë të pajisjeve mjekësore japoneze që ishte premtuar në marrëveshjen që ai nënshkroi shtatorin e kaluar.

Përveç dhurimit të sotëm, pajisjet e mbetura të tilla si aparatura me ultratinguj dhe rrezet-X të lëvizshme pritet të arrijnë në Kosovë këtë verë.

Bëhet e ditur se pajisjet do të shpërndahen nga sot në Qendrën Klinike Universitare të Kosovës dhe spitalet e tjera rajonale në të gjithë Kosovën./21Media