Krasniqi: 100 ditë zhgënjim me Qeverinë Kurti

Deputetja e Lidhjes Demokratike të Kosovës, Rrezarta Krasniqi, ka renditur një varg akuzash ndaj Qeverisë Kurti.
Gjatë seancës plenare, ku po debatohet për 100 ditët e ekzekutivit, Krasniqi ka thënë se qytetarët janë zhgënjyer nga Qeveria Kurti.
Sipas saj, kryeministri Albin Kurti nuk ka prioritet zhvillimin ekonomik dhe mirëqenien e qytetarëve, por kapjen e shtetit.
“Qeveria Kurti në 100 ditëshin e parë të udhëheqjes së shtetit do të mbahet mend si Qeveria më e dobët në histori të drejtimit të vendit. Gjatë kësaj periudhe, qytetarët nuk kanë parë asnjë vendim të mirë që do të mund të krenoheshin me punë e kësaj qeverie. 100 ditë zhgënjim, dëshpërim të madh për qytetarëve. Me pak fjalë kështu mund të përshkruhet puna e kësaj qeverie në këtë periudhë. Një qasje arrogante dhe aspekt shpresëdhënëse për qytetarët, fare nuk flitet për zhvillim ekonomik dhe mirëqenie sepse janë fokusuar në kapje të shtetit”, ka thënë Krasniqi.