Policia e gjen të varur aktivistin bjellorus

Kreu i një grupi që ndihmon njerëzit të largohen nga nga persekutimi i regjimit të Alyaksandr Lukashenkas është gjetur i vdekur pranë shtëpisë së tij në Ukrainë.
Trupi i Vitaly Shishov u gjet i varur në një park në Kiev, një ditë pasi u raportua i zhdukur. Policia ka hapur një hetim për vrasje, transmeton rtv21.tv.
Policia tha se do të hetonte të gjitha mundësitë, përfshirë edhe dyshimet për vrasje të maskuar si një vetëvrasje.
Shishov drejtoi organizatën Bjelloruse në Ukrainë, duke ndihmuar ata që u larguan nga Bjellorusia pas një goditjeje të dhunshme.
Ukraina, Polonia dhe Lituania në veçanti janë bërë destinacione të preferuara për ata që ikin nga persekutimi pas zgjedhjeve të diskutueshme presidenciale në Bjellorusi në gusht të vitit 2020.
Miqtë e Shishov raportuan se ai ishte ndjekur kohët e fundit, tha gazetari bjellorus Tadeusz Gizcan në një cicërimë të hënën.
Organizata Bjelloruse në Ukrainë siguron mbështetje për të sapoardhurit në gjetjen e strehimit, punës dhe këshilla ligjore, thuhet në faqen e saj të internetit.
Policia tha se ata kishin gjetur telefonin celular të Shishov dhe sendet personale nga vendi i ngjarjes.
Shishov u largua nga shtëpia e tij të hënën në mëngjes dhe supozohej se ai kishte dalur për vrapim./21Media