Kremlini i sheh “jo miqësore” vendet që sanksionuan Rusinë  

Zëdhënësi i Kremlinit Dmitry Peskov tha se qeveria ruse i konsideron “jo miqësore” të gjitha vendet që vendosën sanksione.
“Duke gjykuar nga masat që shumë vende po marrin kundër nesh, ato tani janë të gjitha jo miqësore. Pavarësisht nëse janë në listë apo jo. Në këtë rast, lista është dytësore. Por përgjigja ndaj këtyre veprimeve jomiqësore, armiqësore duhet të analizohet, askush nuk do të qëllojë veten në këmbë për të dëmtuar dikë. Ne bëjmë atë që duhet, atë që na përshtatet dhe po e bëjmë me kokë të matur”, tha ai.
Qeveria ruse vitin e kaluar publikoi një listë të vendeve “jomiqësore”. Sipas agjencive shtetërore ruse të lajmeve, fillimisht ishin dy vende të vendosura në listë — Shtetet e Bashkuara dhe Republika Çeke.
Lajmi vjen pasi vendet në mbarë botën po vendosin sanksione të reja kundër Rusisë për pushtimin e saj në Ukrainë.
Bashkimi Evropian, Shtetet e Bashkuara, Mbretëria e Bashkuar, Japonia, Zvicra,  Australia dhe Tajvani goditën të gjithë Moskën me urdhra të reja gjatë fundjavës, duke dënuar inkursionin ushtarak që u shpalos të shtunën në kryeqytetin ukrainas të Kievit./21Media