Kryeministri kanadez viziton Ukrainën
Kryeministri kanadez Justin Trudeau ka bërë një udhëtim të papritur në Irpin, ka thënë kryebashkiaku lokal, Oleksandr Markushyn.
“Sapo pata nderin të takohem me kryeministrin e Kanadasë Justin Trudeau, i cili erdhi në Irpin për të parë me sytë e tij të gjithë tmerrin që pushtuesit rusë i kanë shkaktuar qytetit tonë”, ka thënë ai.
Qyteti ukrainas Irpin, i cili ndodhet në veriperëndim të kryeqytetit Kiev, u mbajt përkohësisht nga trupat ruse në fillim të luftës përpara se të tërhiqeshin nga rajoni.
Vizita e Trudeau vjen pasi ai dhe presidenti amerikan Joe Biden nënvizuan angazhimin e tyre për ta mbajtur Rusinë përgjegjëse për pushtimin e saj në Ukrainë në një telefonatë të premten.
Gjatë bisedës, udhëheqësit diskutuan gjithashtu përpjekjet për të ofruar ndihmë sigurie për Ukrainën, tha Shtëpia e Bardhë në një deklaratë./21Media
Dëshiron ta dëgjosh këtë lajm me zë?