Kryetari i Junikut reagon për vdekjen të çiftit

Kryetari i komunës së Junikut, Ruzhdi Shehu ka reaguar pas lajmit për vdekjen e Mic Tofajt dhe bashkëshortës së tij, Fatlinda Maloku-Tofaj.

Shehu i ka shprehur ngushëllime familjes Tofaj dhe Maloku për humbjen e papritur të më të dashurve të tyre.

“Micin dhe Fatlindën, Juniku do t’i kujtoj përgjithmonë si familje shembullore, mbi të gjitha si persona me virtyte të larta njerëzore por edhe si ndërmarrës të suksesshëm dhe junikas të cilët kanë kontribuar aq shumë për Komunën e Junikut”, thuhet ndër të tjera në reagimin e Shehut.

Një burrë dhe një grua kanë humbur jetën në bjeshkët e Junikut.

Lajmin për portalin rtv21.tv e ka konfirmuar zëdhënësi i Prokurorisë Themelore në Pejë, Shkodran Nikçi.

Nikçi ka thënë se prokurori i krimeve të rënda është duke shkuar në vend të ngjarjes.

Reagimi i plotë:

Me dhimbje të thellë e pranuam sot lajmin tragjik për humbjen e parakohshme të Mic Tofaj dhe bashkëshortes së tij Fatlinda Maloku Tofaj.

Ngushëllime familjes Tofaj dhe familjes Maloku për humbjen e papritur të më të dashurve të tyre.

Micin dhe Fatlindën, Juniku do t’i kujtoj përgjithmonë si familje shembullore, mbi të gjitha si persona me virtyte të larta njerëzore por edhe si ndërmarrës të suksesshëm dhe junikas të cilët kanë kontribuar aq shumë për Komunën e Junikut.