Kur dhe pse Macron shpalli zgjedhje?

Emmanuel Macron bëri njoftimin e tij të papritur në një fjalim dramatik televiziv më 9 qershor – ditën kur francezët kishin marrë pjesë në zgjedhjet evropiane. Ajo erdhi vetëm një orë pasi sondazhet treguan se partia e ekstremit të djathtë Rally National kishte mposhtur aleancën e tij centriste.

Duke thënë se nuk mund të vepronte sikur asgjë të mos kishte ndodhur, ai shpalli zgjedhje të parakohshme parlamentare. Vetë puna e Macron nuk preket, pasi këto zgjedhje janë të ndara nga votimi presidencial dhe mandati i tij zgjat edhe për tre vjet të tjera.

Megjithëse vendimi ishte një surprizë e madhe, babai i tij, Jean-Michel Macron, i tha një gazete javën e kaluar se presidenti kishte përmendur idenë e zgjedhjeve dy muaj më parë, sepse parlamenti ishte bërë “i paqeverisshëm”.

Që kur Emmanuel Macron nuk arriti të sigurojë një shumicë absolute në zgjedhjet e fundit dy vjet më parë, ai ka mbetur i mbërthyer në aspektin e miratimit të ligjeve apo reformave të reja.

Popullariteti i tij është gjithashtu i ulët, dhe aleanca e tij Ansamble është e treta në sondazhe. Në rastin më të mirë, ai mund të shpresojë të kufizojë dëmin dhe të mbajë gjysmën e deputetëve të tij.

Macron tha se ai po “përgjigjej” ndaj njerëzve dhe u jep atyre mundësinë për të sjellë qartësi – edhe nëse kjo do të thotë t’i japë partisë së ekstremit të djathtë Rally National mundësinë për të qeverisur./21Media