Kurti: Janë miratuar 206.4 milionë euro nga fondet e BE-së për Kosovën
Kryeministri në detyrë Albin Kurti ka thënë se Bashkimi Evropian ka njoftuar se Komiteti i IPA-s ka miratuar projektet e propozuara nga Kosova në kuadër të programeve IPA 2026 dhe IPA 2027, në vlerë prej 180.5 milionë euro dhe se janë miratuar edhe 3 grante nga Korniza Investuese për Ballkanin Perëndimor (ËBIF), në vlerë totale prej 25.9 milionë euro.
Ai ka thënë se pas këtyre miratimeve Kosova do të përfitojë gjithsej 206.4 milionë euro nga fondet e BE-së.
“Dje, me 7 korrik, Bashkimi Evropian na njoftoi zyrtarisht se Komiteti i IPA-s ka miratuar projektet e propozuara nga Kosova në kuadër të programeve IPA 2026 dhe IPA 2027, në vlerë prej 180.5 milionë euro. Pas miratimit nga Komisioni Evropian dhe më pas nënshkrimit dhe ratifikimit të Marrëveshjes Financiare nga Kuvendi, projektet do të fillojnë zbatimin”, ka shkruar Kurti në Fecebook.
Ai ka thënë se me këto fonde do të mbështeten fushat prioritare të vendit.
Dëshiron ta dëgjosh këtë lajm me zë?