Lajçak e konfirmon se dialogu Kosovë-Serbi do të vazhdojë të hënën
Emisari special i Bashkimit Evropian për dialogun Mirosllav Lajçak ka bërë të ditur kryeministri i Kosovës, Avduallh Hoti dhe presidenti i Serbisë Aleksandar Vuçiq do të takohen të hënën. Në takim do të vazhdoehn diskutimet rreth pretendimeve financiare dhe pronës.
Lajçak përmes një postimi në Twitter, ka treguar se çështja e Asociacionit nuk do të jetë në rend dite. Pasi që sipas tij, njëra palë nuk është e gatshme të diskutojë rreth kësaj çështjeje.
“Kryenegociatorët do të takohen të hënën për të vazhduar diskutimet mbi pretendimet financiare dhe pronën. Asociacioni / Komuniteti nuk do të jetë në rendin e ditës pasi njëra palë nuk është ende e gatshme për të diskutuar. Por kjo duhet të adresohet si pjesë e Marrëveshjes Gjithëpërfshirëse siç është rënë dakord në takimet e udhëheqësve”, ka shkruar Lajçak në Twitter. /21Media
Chief negotiators will meet on Monday to continue discussions on financial claims&property. Association/Community won’t be on the agenda as one party is not yet ready to discuss. But this must be addressed as part of the Comprehensive Agreement as agreed in the leaders’ meetings.
— Miroslav Lajčák (@MiroslavLajcak) September 24, 2020