Lajçak takohet me emisarin britanik për Ballkanin diskutojnë për planet e muajve të ardhshëm
Para takimit të 2 majit në Bruksel mes kryeministri të Kosovës Albin Kurti dhe presidentit serb Aleksandër Vuçiq, Emisari i BE-së për dialogun Kosovë-Serbi, Miroslav Lajçak po zhvillon disa takime me akterë të ndryshëm mbi këtë çështje.
Së fundmi ai u takua me me emisarin e Britanisë së Madhe për Ballkanin Perëndimor, Sir Peach.
Siç njoftoi Lajçak përmes një postimi në Twitter me Peach biseduan për planet në vijim sa i përket Ballkanit Perëndimor.
“Gjithmonë kënaqësi të takohem me mikun tim të dashur, të dërguarin e Britanisë së Madhe për Ballkanin, Lord Peach. Kemi shkëmbyer mendimet mbi zhvillimet e fundit në rajon dhe planet tona për muajt në vijim”, ka shkruar Lajçak në Twitter.
Të enjten Lajçak u takua edhe me kryediplomantin grek Dendias me të cilin po ashtu biseduan për dialogun Kosovë- Serbi./21Media
Always great to catch up with my dear friend 🇬🇧 Balkan envoy Lord Peach. We exchanged views on the latest developments in the region and our plans for the months ahead. pic.twitter.com/5cp33CcX2j
— Miroslav Lajčák (@MiroslavLajcak) April 28, 2023