Largohen konstruksionet e vendosura pa leje në Pallatin e Rinisë

Ka nisur aksioni i Inspeksionit të Komunës së Prishtinës në Pallatin e Rinisë për largimin e disa konstruksioneve të vendosura pa leje, që po ia ndryshojnë pamjen origjinale këtij objekti.
Për të parë zhvillimet e këtij aksioni i pranishëm në Pallat është edhe kryetari i Komunës, Përparim Rama, i cili tha se ky aksion po ndodh për kthimin e pallatit në gjendjen origjinale.
Ai tha se sot kanë nisur me këtë aksion por do të vazhdojnë tutje për të gjitha intervenimet që janë të jashtëligjshme.
Duke e konsideruar se aksion i sotëm është bazuar në ligj, Rama tha se janë duke punuar në një projekt për restaurimin e Pallatit të Rinisë.
Krahas njësive të Inspeksionit Komunal të pranishëm janë zyrtarët Policorë.