LDK kundërshton rritjen e tarifave për rrymën, ka një propozim për Qeverinë

Lidhja Demokratike e Kosovës (LDK) ka njoftuar se ka dërguar komentet në Zyrën e Rregullatorit të Energjisë sa i përket rritjes së tarifave të energjisë elektrike.
Anëtari i kryesisë së LDK-së, Xhafer Tahiri njoftoi se kjo parti ka kundërshtuar rritjen e tarifave për energjinë elektrike.

Në konferncë ishte edhe Deputetja e Lidhjes Demokratike të Kosovë, Hykmete Bajrami, e cila tha se kjo krizë ishte paralajmëruar që në fillim të vitit 2021, teka ka bërë edhe një porpozim për Qeverinë.

“Jemi të vetëdijshëm që është krizë globale, por jemi të sigurt që qeveria ka dështuar thellë në menaxhimin e kësaj krize. LDK do të ndjek rrugën institucionale, nëse është nevoja do të mbrojmë të drejtën e qytetarëve edhe në Gjykatën Kushtetuese. Kemi pa se Qeveria e Republikës së Kosovës ka zotuar 75 milionë euro, me të cilët ka vendosur të subvencionojë ekonomitë familjare deri në 600 KW dhe sektorin e biznesit, konsiderojmë se shpërndarja e subvencionimit duhet të bëhet për të gjithë qytetarët pa dallim, sepse ndarja e 600 KW as nuk është ndarje në bazë të standardit të jetesës, e as nuk është kurrfarë kriteri që do të kontribuojnë në përmirësimin e jetës së qytetarëve”, u shpreh Bajrami në konferencë.
Ajo njoftoi që propozimi i LDK-së është që Qeveria ta ulë tatimin mbi vlerën e shtuar për energjinë elektrike në zero.
“Ne konsiderojmë që ngritja e tarifave do e rëndonte jetën e qytetarëve tanë, andaj kemi propozuar që komplet në vitin 2022 të mos ketë ngritje të tarifave. Jemi zotuar që nëse propozimet e tilla kalojnë, Lidhja demokratike e Kosovës do e sfidojë një vendim të tillë edhe në Gjykatën Kushtetuese”.

Sot në ora 16:00 përfundon afati për të dhënë komente për raportin konsultativ që paraqet qëndrimet e ZRRE-së për ristrukturimin e tarifave të nevojshme për të përmbushur kostot e blerjes së energjisë elektrike dhe për të rivendosur furnizimin me energji elektrike për konsumatorë.
ZRrE deri më tani ka pranuar komente nga palë të ndryshme të interesit, si: Sekretariati i Komunitetit të Energjisë në Vjenë, Instituti për Politika Zhvillimore (INDEP), Operatorët e rregulluar KOSTT, KEDS dhe KESCO si dhe ka pranuar komente nga konsumatorët e energjisë elektrike, të cilat pritet t’i publikojë ditëve në vijim./21Media
Back to top button