Levits takohet edhe me Kurtin

Kryeministri i Kosovës, Albin Kurti priti në takim presidentin e Letonisë, Egils Levits.
Në këtë takim mediat janë lejuar të marrin pamje, ndërkohë që nuk është paralajmëruar konferencë pas takimit.
Një e tillë u mbajt më parë, pas takimit që Levits pati me presidenten Vjosa Osmani, ku ka shprehur gatishmërinë për të përkrahur Kosovën në rrugën euroatlantike të saj.
Ai në konferencën e përbashkët me Osmanin, tha se tani është koha e duhur për fuqizimin e bashkëpunimit mes Kosovës dhe NATO-s.
Levits përkrahu edhe anëtarësimin e Kosovës në Këshillin e Evropës dhe liberalizimin e vizave për qytetarët.
Ai foli edhe për dialogun Kosovë-Serbi, ku tha se i njëjti nuk duhet të pengojë Kosovën në konsolidimin e shtetësisë se vet.
Kujtojmë që presidenti Levits është takuar edhe me kryeparlamentarin Glauk Konjufca.