Lojtari i hokejit në akull vdiq pasi pësoi një prerje në qafë nga patina

Sulmuesi i Nottingham Panthers, Adam Johnson, ka vdekur pasi pësoi një prerje të rëndë në qafë nga një patina gjatë ndeshjes së Challenge Cup të së shtunës.

Ndeshja kundër Sheffield Steelers u ndërpre në minutën e 35-të pasi 29-vjeçari amerikan mori trajtim urgjent nga mjekët në akull.

Panthers thanë të dielën se ishin “të shkatërruar” që Johnson kishte vdekur pas një “aksidenti të frikshëm”.

“Klubit do t’i mungojë shumë dhe nuk do ta harrojë kurrë”, shtuan ata.

“Adami, numri ynë 47, nuk ishte vetëm një lojtar i shquar i hokejit mbi akull, por edhe një shok i shkëlqyer i skuadrës dhe një person i jashtëzakonshëm me gjithë jetën përpara tij. Panthers dëshiron të dërgojnë mendimet dhe ngushëllimet tona për familjen e Adamit, partneres së tij dhe të gjithë miqtë e tij në këtë kohë jashtëzakonisht të vështirë”, thuhet tutje në deklaratën e klubit./21Media