Macron mbështet hyrjen e Bullgarisë në Shëngen
Pasi Bullgaria t’i ketë plotësuar të gjitha kriteret, Franca do ta mbeshtesë
Presidenti i Francës, Emmanuel Macron të martën i premtoi kryeministrit bullgar Bojko Borisov se do të mbështesë përpjekjet e Bullgarisë për hyrje në eurozonë dhe Shëngen kur ky shtet të ketë përmbushur të gjitha kriteret.
Bullgaria, shteti më i varfër i BE-së, dëshiron të përshpejtojë procedurën e hyrjes në eurozonë dhe aktualisht po mban kampanjë për të marrë mbështetjen e shteteve tjera.
“Franca do të mbështesë çdo përpjekje konkrete”, tha Macron pas takimit me Borisov në Paris dhe shtoi se deri në fund të vitit do të vizitojë Bullgarinë.