Mariupol, Boichenko bën thirrje për evakuim

Kryetari i bashkisë së qytetit port ukrainas të Mariupol, Vadym Boichenko ka thënë se qyteti ishte në duart e pushtuesve pas një rrethimi javor nga forcat ruse që rrafshuan qytetin, lanë një numër të panjohur civilësh të vdekur dhe detyruan mijëra njerëz të largoheshin nga vendi i tyre.
“Jo gjithçka është në fuqinë tonë. Fatkeqësisht sot jemi në duart e pushtuesve”, tha Boichenko,
Boichenko bëri thirrje për një evakuim të plotë të popullsisë së mbetur të Mariupolit, e cila kishte një popullsi prej mbi 400,000 banorësh përpara se Rusia të fillonte pushtimin e saj në Ukrainë më 24 shkurt.
“Sipas vlerësimeve tona, rreth 160,000 njerëz ndodhen sot në qytetin e rrethuar të Mariupolit, ku është e pamundur të jetosh sepse nuk ka ujë, rrymë, ngrohje, pa lidhje. Dhe është vërtet e frikshme”, tha ai.
Ishte e paqartë nëse kishte ende luftime aktive brenda qytetit.
Zyrtarët ukrainas pretenduan se forcat ruse kanë penguar autokolonat humanitare të afrohen ose të dalin në mënyrë të sigurt nga qyteti. Një udhëheqës separatist pro-rus të dielën tha se rreth 1,700 banorë të Mariupolit po “evakuoheshin” çdo ditë nga qyteti dhe rrethinat e tij, por zyrtarët ukrainas thonë se rusët në fakt kanë kryer atë që ata e përshkruajnë si deportim të dhunshëm të mijërave në Rusi.
“Ne kemi nevojë për një evakuim të plotë nga Mariupol. Misioni ynë më i rëndësishëm sot është të shpëtojmë çdo jetë… Dhe ka shpresa se do t’ia dalim. Për shembull, janë 26 autobusë që duhet të shkojnë në Mariupol për t’u evakuuar, por fatkeqësisht nuk kanë marrë leje për të lëvizur. Dhe kjo lojë luhet çdo ditë. Një lojë cinike si, ‘Po, ne jemi gati. Mund të vozitësh atje, por në fakt nuk funksionon. Shoferët tanë heroikë nën zjarr po përpiqen të arrijnë në vendet ku mund të merren banorët e Mariupolit dhe presin me shpresën se do ta kenë një mundësi të tillë. Por Federata Ruse ka luajtur me ne që nga dita e parë”, tha më tej ai./21Media