Mbi 848 mijë vaksinime antiCOVID në Shqipëri

 
Ministrja e Shëndetësisë, Ogerta Manastirliu ka bërë të ditur se gjatë ditës së sotme në Shqipëri janë kryer gjithsej 5.895 vaksinime antiCOVID.
Ajo në një postim në Twitter ka shkruar se procesi i vaksinimit po ecën me ritme të shpejta, ndërkohë që, nga fillimi pandemisë janë kryer 848.430 vaksinime.
Një tjetër lajm i mirë është se Vlora është qarku i parë ku nuk ka më raste aktive me koronavirus, ndërsa aktualisht janë 136 raste aktive në të gjithë vendin.
Ministria e Shëndetësisë ka njoftuar se në 24 orët e fundit janë shënuar  8 raste të reja me koronavirus.