Mbretëria e Bashkuar me sanksione tjera ndaj Rusisë

Mbretëria e Bashkuar njoftoi të enjten sanksione të reja që synojnë të bllokojnë kompanitë ruse në industrinë e aviacionit dhe hapësirës nga aksesi në tregun britanik të sigurimeve.
“Kompanitë ruse në industrinë e aviacionit apo hapësirës do të pengohen të përdorin shërbimet e sigurimit ose risigurimit me bazë në Mbretërinë e Bashkuar, drejtpërdrejt ose tërthorazi, ka njoftuar sot Qeveria e Mbretërisë së Bashkuar, në përgjigje të pushtimit të Ukrainës nga Rusia”, thuhet në një deklaratë të lëshuar nga Zyra e Thesarit e Mbretërisë së Bashkuar.
“Në ndërmarrjen e një veprimi të tillë, Mbretëria e Bashkuar po demonstron përkushtimin e saj për të aplikuar sanksione të rënda ekonomike në përgjigje të pushtimit rus të Ukrainës”, vazhdoi deklarata.
Aviacioni ka qenë një objektiv kryesor pas pushtimit të Ukrainës nga Rusia, me sanksionet e mbështetura nga perëndimi që kanë ndikuar në sektorët e linjave ajrore dhe të hapësirës ajrore të vendit./21Media