Kryeministri i Kosovës, Avdullah Hoti ka mbledhur sot në takim ministrat e kabinetit të tij qeveritar.

Mbledhja e Qeverisë përkon me vizitën e sotme në Kosovë të emisarit të presidentit Donald Trump për dialogun, Richard Grenell si pjesë e një delegacioni shtetëror amerikan, i cili do të vizitojë edhe Serbinë, Greqinë dhe Izraelin, pas arritjes së marrëveshjes ndërmjet Kosovës dhe Serbisë për normalizim ekonomik.

Hoti ka konfirmuar takimin me delegacionin e Qeverisë amerikane, por më shumë detaje ka thënë se do t’i bëjë të ditur gjatë ditës së sotme.