Rusia lëshoi mbi 30 raketa drejt Kievit

Më shumë se 30 raketa fluturuan drejt kryeqytetit ukrainas të Kievit të mërkurën pasdite, tha kryebashkiaku Vitali Klitschko për televizionin ukrainas.
“Sipas ushtrisë, 31 raketa fluturuan drejt Kievit. Njëzet e një raketa u rrëzuan”, tha ai.
Disa nga raketat goditën objektet kritike të infrastrukturës, shtoi ai.
“Aktualisht një pjesë e qytetit është pa energji elektrike. Nuk ka furnizim me ujë”, shtoi ai. “Ne po bëjmë gjithçka për të rivendosur furnizimin me energji elektrike dhe ujë sonte”.
Sulmet ruse, vrasin tre ukrainas

Një vajzë 17-vjeçare ishte mes tre personave të vrarë në sulmet ajrore ruse të mërkurën në kryeqytetin ukrainas të Kievit, sipas kryebashkiakut të qytetit, Vitali Klitschko.

Ai tha se të paktën 11 banorë të Kievit ishin plagosur gjithashtu. 

Rajoni më i gjerë i Kievit po vuan gjithashtu nga ndërprerjet e energjisë pas sulmeve me raketa ruse, me raportet për pezullimin e transportit publik me energji elektrike, përfshirë metronë./21Media