Merkel javën tjetër në Shqipëri

1 min read

Ambasada e Gjermanisë në Shqipëri ka njoftuar për vizitën e lamtumirës së kancerales Angela Merkel në Ballkan.

Kancelarja do të jetë në Tiranë me 14 shtator, ku fillimisht do të ketë një bisedë me kryeministrin Edi Rama.

Të planifikuara janë biseda që lidhen me çështjet e politikës ekonomike dhe marrëdhëniet dypalëshe midis Shqipërisë dhe Gjermanisë, por edhe çështje që lidhen me përafrimin me BE-në.

Më pas do të ketë bisedime me krerët e qeverive të gjashtë shteteve të Ballkanit Perëndimor, në plan të parë do të jenë çështjet e bashkëpunimit rajonal, raportojnë mediat në Shqipëri.

Gjithashtu janë planifikuar bisedime dypalëshe me krerët e qeverive të Kosovës, Bosnje dhe Hercegovinës, Malit të Zi dhe Maqedonisë së Veriut.