Renditja në Grupin B ku gjendet Kosova

1 min read

 

Përfaqësuesja e Kosovës mbrëmë pësoi humbje në stadiumin “Fadil Vokrri”, me rezultat 2:0 kundër Spanjës, ku golat për spanjollët i shënuan Pablo Fornals dhe Ferran Torres.

Po ashtu, në kuadër të Grupit B në të cilin gjendet Kosova për kualifikimet në Kampionatin Botëror “Katar 2022”, u zhvillua edhe ndeshja tjetër mes Greqisë dhe Suedisë.

Grekët befasuan Kombëtaren e Suedisë, pasi që regjistruan fitore si vendas me rezultat të ngushtë 2:1, fitore kjo e cila i dërgon në pozitën e tretë në tabelë.

Ndërkaq, me tre pikët e reja, Spanja e kryeson tani Grupin B me 13 pikë, katër më shumë se vendi i dytë Suedia.

Në vend të tretë gjendet Greqia me gjashtë pikë, dy më shumë se Kosova që ka katër pikë në vendin e katërt.

Pozitën e fundit në tabelë e zë Kombëtarja e Gjeorgjisë, ku pas pesë ndeshjeve të zhvilluara ka arkëtuar vetëm një pikë.

Renditjen e Grupit B në kualifikimet për në Kampionatin Botëror “Katar 2022” e gjeni më poshtë.

Grupi B

1.Spanja – 6 ndeshje – 13 pikë

2.Suedia – 4 ndeshje – 9 pikë

3.Greqia – 4 ndeshje – 6 pikë

4.Kosova – 5 ndeshje – 4 pikë

5.Gjeorgjia – 5 ndeshje – 1 pikë.