Merkel parashikon një G20-të të vështirë me Trump

Për shkak të qëndrimeve të presidentit amerikan

Kancelarja gjermane, Angela Merkel theksoi sot se pret në fundjavë një samit të G20-tës të vështirë, nga fakti i qëndrimeve të Donald Trump, me të cilin do të takohet kokë më kokë para fillimit të punimeve.

“Një takim është parashikuar me presidencën amerikane para fillimit të samitit të G20-tës, me shumë gjasa të enjten në mbrëmje”, deklaroi për shtypin zëdhënësi i kancelares gjermane, Steffen Seibert.

Nuk është e sigurt që ky takim do të mjaftojë për zgjidhjen e mosmarrëveshjeve. Samiti i vendeve kryesore të zhvilluara dhe në zhvillim që mbahet të premten dhe të shtunën në Hambourg.

Mosmarrëveshjet mes kancelares gjermane dhe presidentit amerikan janë të dukshme përsa i përket luftës kundër ngrohjes klimatike, të tregtisë dhe shpenzimeve ushtarake.

“Ne do të kemi një sërë çështjesh të vështira”, pranoi Angela Merkel në një konferencë shtypi, ku ajo prezantoi programin e saj për zgjedhjet legjislative të muajit shtator.

“Ne i dimë qëndrimet e qeverisë amerikan dhe nuk pres që ato të ndryshojnë me rastin këtij samitit dyditor në Hamburg”, theksoi kancelarja duke parashikuar mosmarrëveshjet.