Merr fund ëndrra evropiane e Kosovës
(Lajm i përditësuar)
Ka përfunduar pa fitues ndeshja tejet interesante mes Zvicrës dhe Kombëtares së Kosovës, ku kjo e fundit është përshëndetur nga Kampionati Evropian Euro 2024.
Pas plot 90’ minutave lojë të zhvilluara në stadiumin “St. Jakob-Park”, Kosova ka barazuar 1:1 si mysafire e Zvicrës.
Zvicra kaloi në epërsi në minutën e 47’ përmes golit të Ruben Vargas, para se Kosova të barazonte me golin e Muhamet Hysenit në minutën e 82’.
Me pikët e reja, Zvicra ngjitet në kuotën e 17 pikëve në vendin e dytë në Grupin I dhe siguron biletën drejt Evropianit Euro 2024.
Në anën tjetër, Kosova zë vendin e katërt me 11 pikë të arkëtuara.
Rezultati final i ndeshjes, 1:1.
GOOOOOOOOL , Zvirca – Kosova 1:1
Kombëtarja e Kosovës ka arritur ta barazojë rezultatin në 1:1 në ndeshjen kundër Zvicrës.
Kosovës i janë ngjallur shpresat për fitore kundër Zvicrës, pasi që ka barazuar rezultatin në 1:1 përmes golit të Muhamet Hysenit
Hyseni shënon në minutën e 82’ për 1:1.
Është shënuar goli i parë në stadiumin “St. Jakob-Park”, ku po luhet ndeshja tejet interesante mes Zvicrës dhe Kosovës.
Kombëtarja e Zvicrës ka arritur të kalojë në epërsi prej 1:0 ndaj Kosovës, përmes golit të shënuar nga Ruben Vargas.
Vargas shënon në minutën e 48’ për 1:0.
GoaL! | Switzerland 1-0 Kosovo | Ruben Vargaspic.twitter.com/NJtwitblun
— FootColic ⚽️ (@FootColic) November 18, 2023
Pjesa e parë Zvicër- Kosovë pa gola
Ka përfunduar pjesa e parë në përballjen tejet interesante mes Zvicrës dhe Kombëtares së Kosovës.
Pas 45’ minutave lojë të zhvilluara në stadiumin “St. Jakob-Park”, Zvicra po barazon pa gola, 0:0 me Kosovën.
Elbasan Rashani ishte shumë afër golit në minutën e 39’, por goditja e tij me kokë përfundoi jashtë portës.
Rezultati i pjesës së parë, 0:0.
Nis ndeshja Zvicër – Kosovë
Ka filluar ndeshja mes Zvicrës dhe Kosovës, e vlefshme për kualifikimet e Euro 2024.
Zvicra-Kosova, formacionet zyrtare
Sonte me fillim nga ora 20:45 stadiumi “St. Jakob-Park” do të jetë nikoqir i duelit tejet interesant mes Zvicrës dhe Kombëtares së Kosovës, ndeshje kjo e vlefshme për kualifikimet në Kampionatin Evropian Euro 2024.
“Dardanët” do të synojnë me çdo kusht fitoren sot, e cila do t’ua mbante gjallë shpresat për kualifikim në Evropianin e vitit 2024 në Gjermani.
Në xhiron e fundit të zhvilluar në këtë garë, Kosova e mposhti Izraelin 1:0, kurse Zvicra barazoi 1:1 po ashtu me Izraelin.
Momentalisht, Zvicra zë vendin e parë në Grupin I në kuotën e 16 pikëve, aq sa ka edhe Rumania në vendin e dytë, kurse Kosova renditet në vendin e katërt me 10 pikë.
Takimi i fundit mes këtyre dy kombëtareve daton në muajin shtator të këtij viti, ku asokohe në Prishtinë, Kosova barazoi 2:2 me Zvicrën.
Formacionet zyrtare i gjeni më poshtë.