Meulensteen: Manchester United e ka humbur identitetin

Manchester United ka nëntë vjet pa fituar titullin e Premier Ligës dhe është kritikuar për dështimin për të vazhduar trashëgiminë e vendosur nga ish-trajneri Alex Ferguson.
Rene Meulensteen ishte pjesë e stafit të Fergusonit për 12 vjet në Manchester United dhe nuk u përmbajt kur diskutoi për ish-klubin e tij.
“Pjesa më e keqe është se Manchester United e ka humbur plotësisht identitetin e tyre. Gjithçka që Ferguson kishte ndërtuar gjatë viteve është hedhur në det. Manchester United kishte mënyrën e vet të lojës. Ata luajtën në një mënyrë tërheqëse, kreative. Por, ai futboll i njohur i Manchester United është zhdukur,” ”, tha Meulensteen.
Meulensteen krahasoi mangësitë e Manchester United me sukseset e rivalëve të tyre.
“Nëse doni të jeni të suksesshëm, është e rëndësishme të keni vazhdimësi në vizionin tuaj dhe një organizatë solide, të qëndrueshme. United nuk ka më asnjërën nga këto gjëra, ndërsa Liverpool me Jurgen Klopp dhe City me Pep Guardiolën e kanë atë stabilitet. Ju mund ta shihni këtë në sukseset e tyre,” tha ai.
Ish-trajneri i Manchester United shpjegoi gjithashtu vendimet e marra rreth emërimit të David Moyes në vitin 2013.
“Kishte dy opsione. Merr dikë nga jashtë që do t’i bënte gjërat krejtësisht ndryshe menjëherë ose të përfshijë Ferguson në kursin e ri, në të cilin mund të luajë një rol edhe stafi që ai kishte ndërtuar gjatë viteve. Me emërimin e David Moyes, u bë zgjedhja e parë – dhe kjo do të thoshte se pjesa tjetër e stafit gjithashtu mund të largohej me Ferguson”, tha Meulensteen.