Ministri i Jashtëm i Italisë: Kam kërkuar nga Kurti e Vuçiqi t’i kthehen dialogut

Ministri i Punëve të Jashtme të Italisë, Antonio Tajani ka reaguar pas sulmeve të së dielës në Banjskë ku u vra një polic i Kosovës dhe u lënduan tre, një prej tyre me armë zjarri.

Tajani ka shkruar në “X” se ka folur me kryeministrin Albin Kurti dhe presidentin serb Aleksandar Vuçiq.

Ka shtuar se ka kërkuar nga të dy që të kthehen në dialog.

“Ne punojmë për të forcuar praninë e KFOR-it në kufirin ndërmjet Serbisë dhe Kosovës dhe për të parandaluar përleshjet e mëtejshme”, ka thënë ai.

Në orët e para të mëngjesit të së dielës në Banjskë të Zveçanit nga sulmues serbë është vrarë një polic e janë plagosur tre, një prej tyre me armë zjarri. Të vdekur kanë mbetur edhe tre sulmues serbë. Aktualisht gjashtë persona janë arrestuar, njërit prej tyre i është caktuar paraburgimi prej një muaji.

L’🇮🇹 protagonista di pace nei #Balcani. Ho parlato con Pres. Vucic e con PM Kurti. Ho chiesto ad entrambi di favorire il dialogo tra le parti. D’accordo con @GuidoCrosetto lavoriamo per rafforzare la presenza di KFOR al confine tra Serbia e Kosovo e prevenire ulteriori scontri.

— Antonio Tajani (@Antonio_Tajani) September 25, 2023