Ministri Murati thotë se ka rritje enorme të eksportit në dy vitet e fundit

Ministri i Financave, Hekuran Murati ka thënë se në vitin 2019, raporti eksport-import i mallërave ishte 1:9.
Ndërkaq, sipas tij ky raport është përmirësuar dukshëm në dy vitet e fundit.
Murati potencon se aktualisht është 1:6.
Ministri tha se “ky hendek do të zvogëlohet edhe më tej, falë masave mbështetëse për prodhuesit tanë”.
“Në vitin 2019, raporti eksport:import i mallërave ishte 1:9.  Pra për çdo euro që mirrej nga malli i eksportuar, nëntë euro mall importoheshin.  Me rritjen enorme të eksportit dy viteve të fundit, ky raport është përmirësuar dukshëm dhe aktualisht është 1:6.  Ky hendek do të zvogëlohet edhe më tej, falë masave mbështetëse për prodhuesit tanë.
120 milionë euro për subvencionim të çmimit të energjisë elektrike.
50 milionë euro për subvencionim të produkteve bujqësore.
15 milionë euro për Masën 2.1, mbështetje për kredi investuese.
10 milionë euro mbështetje për eksport dhe çertifikim të produkteve.
Mbështetje në rritje të punësimit e ngritjes së kapaciteteve njerëzore.
Kursim në kosto e kohë me terminalet shtetërore”, shkroi Murati./21Media