Ministri Vitia uron u.d drejtoreshën e ShSKUK-së, e siguron për përkrahje

Ministri i Shëndetësisë, Arben Vitia vizitoi sot ShSKUK-në me ç ‘rast uroi U.D. Drejtoreshën, Dr. Narqize Arenliu – Hoxhaj për detyrën e re. Ministri Vitia e siguroi Arenliu – Hoxhajn se do ta ketë gjithë mbështetjen në kuadër të kompetencave ligjore.
Gjatë këtij takimi Ministri Vitia tha se përmirësimi i shërbimeve shëndetësore është mision i përbashkët, pavarësisht se detyrat dhe përgjegjësitë janë të ndara.
“Ju siguroj se do të keni përkrahjen time maksimale në punët që na presin bashkërisht për të përmirësuar shërbimet dhe rritur kapacitetet në ShSKUK”, tha Ministri Vitia.
Nga ana e saj, U.D. Drejtoresha Narqize Arenliu – Hoxhaj, e falënderoi Ministrin Vitia për vizitën dhe përkrahjen në detyrën e saj të re.
Në njoftimin e Ministrisë së Shëndetësisë bëhet e ditur se ministri Vitia, në takimin ku pjesëmarrëse ishte edhe Udhëheqësja e Bordit të ShSKUK-së, Dr. Aida Rexhepi dhe anëtarja e Bordit, Dr. Agreta Gecaj, theksoi se rritja e buxhetit të shëndetësisë duhet të reflektojë në mënyrë të shpejtë edhe në ngritjen e performancës dhe përmirësimin e shërbimeve për qytetarët.
Në fund të takimit, Ministri Vitia dhe Drejtoresha Arenliu – Hoxhaj u pajtuan për shtimin e dinamikës së punës dhe se brenda këtij viti prej ndryshime pozitive në shërbimet që ofron ShSKUK-së, gjë që do të reflektohet edhe me forcimin e besimit të qytetarëve në institucionet publike shëndetësore./21Media