Ministria u vendos emra të rinj rrugëve në Mitrovicë të veriut, ata mbulohen nga kryetari i saj
Tabelat e emrave të rinj të disa rrugëve në veri të Kosovës, janë vendosur nga Ministria e Mjedisit e Planifikimit Hapësinor, derisa pas kësaj , kryetari i Komunës së Mitrovicës së Veriut i ka mbuluar shenjat, para se policia t’i hiqte mbulojat.
Në pamjet e publikuara nga mediumi lokal në gjuhën serbe “Kossev”, në rrethin në hyrje të Mitrovicës së Veriut janë vendosur shenjat me emrat “Zoran Gjingjiq” dhe “Isa Boletini”. E pranishme në procesin e vendosjes së tabelave ka qenë ministrja në detyrë Fitore Pacolli.
“Njerëzit që jetojnë në Mitrovicë, këtu, në Mitrovicën e Veriut, e dinë për projektin. Ata ishin të informuar. Kuvendi punoi për të vitin e kaluar, së bashku me qytetarët e Mitrovicës së Veriut”, tha Pacoli, dhe më pas shikoi tabelat e instaluara rishtazi, pra emrat e rrugëve të reja.
Këto tabela janë mbuluar nga kryetari i Komunës së Mitrovicës së Veriut Milan Radojeviq.
“Sot jemi përballë një propagande tjetër të Lëvizjes Vetëvendosje. Ata i vendosën tabelat në mënyrë të paligjshme dhe në kundërshtim me vendimin e Kuvendit Komunal të Mitrovicës së Veriut. Siç dihet, më 30 janar ne kemi miratuar një vendim që e ka shfuqizuar aktin e mëparshëm për riemërtimin e rrugëve, sepse ishte miratuar në kundërshtim me ligjit, nuk pati debat publik dhe nuk pati komision shumë etnik. Asnjë serb nuk mori pjesë në punën e atij komisioni, kështu që vendimet ishin absolutisht të paligjshme”, ka thënë ai.
Pasi i mbuloi shenjat e vendosura nga Ministria, ndërhyri Policia e Kosovës që i hoqi mbulojat./21Media
Dëshiron ta dëgjosh këtë lajm me zë?