Modelja franceze konvertohet në Islam
Modelja franceze dhe yll i televizionit, Marine El Himer, njoftoi konvertimin e saj në Islam, duke shprehur kënaqësinë e saj të madhe.
Ajo u konvertua në Islam muaj më parë dhe nuk e bëri të ditur këtë lajm deri të mërkurën, 2 nëntor.
Marine El Himer ka ndarë imazhe të saj në Instagram me rreth 1.5 milionë ndjekës, e veshur me hixhab në afërsi të Qabesë në Mekë, Arabi Saudite, si dhe një video që lidhet me shqiptimin e shehadetit në një xhami.
“Këto momente tregojnë ditët më të bukura të jetës sime”, ka shkruar El Himer nën postimin e saj, duke bërë të ditur se është bërë myslimane disa muaj më parë.
El Himer shprehu shpresën se rrugëtimi i saj shpirtëror që ka ndërmarrë do ta çojë gjithmonë tek Allahu dhe falënderoi fansat e saj për mbështetjen.
View this post on Instagram
Duke tërhequr vëmendjen për faktin se konvertimi në një fe tjetër nuk ka asgjë për t’u turpëruar, El Himer theksoi se ajo zgjodhi Islamin si rezultat i pajtimit të mendjes, zemrës dhe shpirtit të saj.
Konvertimi i Marine El Himer u mirëprit nga ndjekësit e saj, të cilët e uruan atë për këtë hap dhe një pjesë e madhe e tyre u shprehën të lumtur me këtë lajm.
Marine El Himer, ka lindur në korrik 1993, në Bordo, Franca jugore. Ajo është me origjinë maroke-egjiptiane dhe ka një motër binjake të quajtur Oceane El Himer./21Media
View this post on Instagram
Dëshiron ta dëgjosh këtë lajm me zë?