Moti i lig, Rama: Shoferët të evitojnë lëvizjet e panevojshme

Kryeministri i Shqipërisë Edi Rama u ka bërë thirrje sonte drejtuesve të automjeteve që të evitojnë lëvizjet e panevojshme dhe të respektojnë rregullat e qarkullimit rrugor, pas problemeve të shkaktuara në vend nga stuhia e fuqishme.

“Pas përkeqësimit të shpejtë të motit që të gjitha strukturat shtetërore në terren për të siguruar kthimin në normalitet. Grupet e punës janë në gatishmëri për të garantuar që akset rrugore të jenë të hapura si dhe për të siguruar furnizim me energji elektrike. Drejtuesit e automjeteve të evitojnë lëvizjet e panevojshme dhe të respektojnë me përpikëri rregullat e qarkullimit rrugor”, shkruan Rama në Facebook.

Ndryshe, Shqipëria është prekur këtë mesditë nga stuhia që ka përfshirë Evropën dhe që në vendin fqinj Itali ka shkaktuar dëme të mëdha.