Moti sot, i vranët, me shi e borë
Të dielën mbi Kosovë, do të mbajë mot kryesisht i vranët dhe pritet të ketë reshje lokale shiu e bore, në sasi të pakta.
Siç raporton Meteo Kosova, era do të fryjë nga kuadrati i verilindjes, e cila kohë pas kohe pritet të jetë mjaft e fuqishme, me shpejtësi prej 15 dhe 60 kilometër në orë.
Temperaturat do të pësojnë ulje drastike, ku fillimisht gjatë mëngjesit minimalet do të lëvizin prej 3 deri në 8 gradë Celsius, ndërsa ato maksimale prej 5 deri në 10 gradë Celsius.
Në orët vijuese temperaturat do të pësojnë ulje të mëtejshme, duke zbritur prej 0 deri 3 gradë Celsius në shkallë vendi.