Moti sot, IHMK: Temperaturat minimale do të shënojnë ulje

Moti sot në Kosovë do të jetë i vranët dhe vende-vende me intervale të shkurta me diell.
Instituti Hidrometeorologjik i Kosovës (IHMK) ka njoftuar se temperaturat minimale do të shënojnë ulje, derisa ato maksimale do të mbesin konstante me ditët e fundit.
“Do të mbajë mot kryesisht i vranët dhe vende-vende me intervale të shkurta me diell. Temperaturat minimale do të shënojnë ulje, deri sa ato maksimalet mbesin konstante me ditët e fundit. Nuk parashihen reshje të asnjë forme. Temperaturat minimale do të lëvizin ndërmjet 1-3 gradë Celsius, ndërsa maksimalet e ditës parashihen të lëvizin ndërmjet 10-13 gradë Celsius. Do të fryjë erë e lehtë deri mesatare, kryesisht nga drejtimi i verilindjes”, thuhet në njoftimin e IHMK-së.