Mourinho drejt ikjes nga Roma, nis bisedimet me gjigantin evropian

Ka raportime se trajneri i Romës, Jose Mourinho është në negociata për të marrë postin e trajnerit të Paris Saint-Germain sezonin e ardhshëm.

Sipas “RMC Sport”, Mou deri më tani e ka mbajtur veten kryesisht jashtë diskutimeve të kësaj çështje, duke ia lënë situatën në dorë tërësisht agjentit të tij Jorge Mendes, i cili po merret drejtpërdrejt me drejtorin e PSG-së, Luis Campos.

Gjigantët e Ligue 1 e kanë bërë të qartë prej disa kohësh se nuk do të qëndrojnë me trajnerin aktual Christophe Galtier pas një tjetër largimi të hershëm nga Liga e Kampionëve.

Mourinho e ndërtoi reputacionin e tij duke fituar Ligën e Kampionëve me klube të si Porto në vitin 2004 dhe Interin në vitin 2010, kështu që mund të jetë njeriu t’i jap fund periudhës pa trofe evropian të klubit francez.

PSG ka një buxhet praktikisht të pakufishëm dhe po kërkon një personalitet të fortë në stol për të mbajtur nën kontroll egot e tyre të ndryshme.