Musku rikthen titullin e personit më të pasur në botë
Themeluesi i Teslas u rrëzuar nga Bernard Arnault, themeluesi i markës luksoze franceze LVMH (LVMHF), nga pozita e njeriut më të pasur në botë, në dhjetor të vitit të kaluar, duke e lënë Muskun numrin 2 në listë për më shumë se dy muaj.
Megjithatë, që nga e hëna, Bloombergu raporton se një rritje në aksionet e Tesla-s e ka ngritur Muskun përsëri në krye të Indeksit të Miliarderëve në kohë reale.
Ndërsa aksionet e Teslas ranë ndjeshëm vitin e kaluar mes blerjes së Twitter-it, aksionet për prodhuesin e automjeteve elektrike janë rritur që nga viti 2023.
Musku mund të mbajë titullin aktual të personit më të pasur në botë, por ai gjithashtu mban një rekord për pasurinë më të madhe të humbur ndonjëherë nga dikush në histori. Në fund të vitit të kaluar, Musku u bë personi i parë që humbi 200 miliardë dollarë pasuri – pasi pasuria e tij neto ra nga rreth 340 miliardë dollarë në nëntor të vitit 2021 në 137 miliardë dollarë në dhjetor të vitit 2022.