Ndalimi i Lushtakut, Specialja deklarohet për RTV21
(Lajm i përditësuar)
Ish-komandanti i UÇK-së për Zonën Operative të Drenicës, Sami Lushtaku është intervistuar sonte nga Dhomat e Specializuara.
Lidhur me këtë zëdhënësi i Chriss Bennet nga Gjykata Speciale tha për portalin rtv21.tv se Zyra e Prokuorit të Specializuar po kryen operacione të vazhdueshme.
Derisa avokati i Lushtakut, Artan Qerkini pas intervestimit të Ish-komandanti i UÇK-së për Zonën Operative të Drenicë, tha se ai nuk ështëi dyshuar dhe vetëm i është konfiksuar telefoni.
“Ky veprim bie ndesh me ligjin. Sami Lushtaku nuk e ka statusin e të dyshuarit, prandaj atij i është cenuar privatësia pasi i është marrë telefoni”, ka thënë avokati, duke paralajmëruar ankesë në Dhomat e Specializuara.
Sami Lushtaku del nga EULEX
Ish-komandanti i UÇK-së për Zonën Operative të Drenicës, Sami Lushtaku është liruar nga EULEX-i, pas gati një orë qëndrimi në zyret e tyre, shkruan Nacionale
Nënkryetari i Skenderajt dhe i degës së PDK-së në këtë komunë, është ndaluar mbrëmjen e së premtes nga EULEX-i në Prishtinë.
Sami Lushtaku dërgohet në zyrat e EULEX-it në Fushë Kosovë
Nënkryetari i Komunës së Skenderajt, Sami Lushtaku, njëherit kryetar i degës së Partisë Demokratike të Kosovës në Skenderaj, është ftuar nga EULEX-i mbrëmjen e së premtes.
Nacionale mëson nga burime se ish-komandanti i UÇK-së për Zonën Operative të Drenicës është dërguar në zyrat e EULEX-it.
Vlen të theksohet se të enjten, u bastis edhe shtëpia e ish-komandantit të UÇK-së, Sylejman Selimi.
Nacionale jozyrtarisht nga burime të afërta me zhvillimet, ka mësuar se Selimi dyshohet për pengim të drejtësisë.
Për të njëjtën arsye, kishte pasur disa bastisje edhe vitin e kaluar./ Nacionale