Ndeshja Danimarkë – Finlandë do të vazhdojë nga ora 20:30
Shtëpia më e madhe e futbollit ka bërë zyrtare që ndeshja do të zhvillohet me fillim nga ora 20:30.
Ndeshja e Grupit B mes Danimarkës dhe Finlandës u suspendua për shkak të kolapsit të mesfushorit danez Christian Eriksen, për të cilin tani është konfirmuar që është në gjendje stabile.
“Nga kërkesa e lojtarëve të dy kombëtareve, UEFA ka rënë dakord të rifilloj ndeshjen mes Danimarkës dhe Finlandës, sot me fillim nga ora 20:30. Katër minutat e fundit të pjesës së parë do të luhen, dhe më pas do të ketë një pushim prej pesë minutave, dhe më pas fillimi i pjesës së dytë”, shkruante në komunikatën zyrtare të UEFA-s në “Twitter”.
Eriksen pësoi kolaps në fushë gjatë aksionit të Danimarkës, ku pas ndihmës së bashkëlojtarit Simon Kjaer dhe stafit mjekësor, ai gjendet në spital në gjendje të mirë shëndetësore.