Ndiqni këto hapa nëse doni të avancoheni në karrierë

Ndiqni pasionet tuaja dhe punoni për to çdo ditë

Të pasurit e një zakoni që është shumë i përsëritur sa kthehet në një fiksim, tingëllon si diçka e keqe. Megjithatë, mund të dalë diçka pozitive nga gjithë kjo situatë, në qoftë se fokusoni energjitë tuaja në ato gjëra që do t’ju ndihmojnë të ecni përpara.

Fatmirësisht, ka gjëra që mund të bëni çdo ditë që mund t’iu ndihmojnë të kaloni në nivelin tjetër të karrierës suaj.

Ndiqni pasionin tuaj

Të ndjekësh pasionin do të thotë të zbulosh atë çfarë të pëlqen dhe të punosh për të arritur qëllimin tënd. Në qoftë se e doni punën tuaj, do bëni ç’të jetë e mundur që të jeni i shkëlqyeshëm  dhe do të kërkoni gjithnjë mënyra për t’u përmirësuar. Sekreti i zhvillimit të karrierës është të garoni kundër vetes dhe të tejkaloni në mënyrë konstante kufijtë tuaj.

Shprehu që e do vërtet

Në qoftë se po kërkoni një punë të re në një industri tjetër, duhet të demonstroni vullnetin tuaj për ta bërë atë. Shfaqja e kësaj dëshire është gjysma e punës për të arritur qëllimin tuaj dhe çdo hap i vogël që hidhni ditë pas ditë do të bëjë diferencimin. Sigurohuni që të praktikoni ato aftësi që do t’iu ndihmojnë të arrini majën.

Kërkoni mundësi të reja

Marrja përsipër e rrezikut është pjesë e zhvillimit të karrierës. Që të ecni përpara duhet të jeni të gatshëm të bëni diçka ndryshe. Kërkoni çdo ditë për mundësi të reja që bëjnë për ju. Ndërlidhuni me njerëz të tjerë dhe krijojini vetes mundësi të reja.

Besoni në vetvete

Një nga qëllimet tuaja më të mëdha duhet të jetë zhvillimi i vetëbesimit. Kjo mund t’iu ndihmojë të kuptoni si mund ta përmirësoni karrierën tuaj dhe të merrni maksimumin nga çdo mundësi që ju ofrohet. Kur duhet të merrni një vendim lidhur me karrierën tuaj, mësohuni tu besoni instikteve tuaja.

Përcaktoni qëllimet tuaja lidhur me karrierën

Çdo natë analizoni çfarë keni bërë përgjatë ditës. Kuptoni në qofte se veprimet tuaja ju kanë afruar apo jo me objektivat që keni ngritur për karrierën tuaj. Skiconi planin tuaj të karrierës dhe përcaktoni rregullisht qëllimet për të kuptuar nëse vërtet jeni aty ku do të donit të ishit.

Ofroni ndihmën tuaj

Kur u ofroni të tjerëve ndihmë, përveçse ju fal juve kënaqësi, zgjeron gjithashtu rrjetin tuaj të njohjeve. Përfshihuni nëpër projekte të ndryshme, ndihmoni miqtë tuaj dhe shpjegohuni atyre qëllimet tuaja.

Jini të hapur ndaj të mësuarit
Procesi i të mësuarit është i pafundëm. Mësoni gjëra të reja dhe krijojini vetes mundësinë për tu rritur profesionalisht. Jini gjithmonë në kërkim të mënyrave të ndryshme për të përmirësuar veten.

Ngrini zërin

Ndonjëherë, gjithçka që ju nevojitet është të lini të tjerët të kuptojnë që ju ndodheni aty dhe jeni të gatshëm të arrini të gjitha aspirimet tuaja për karrierën. Bëjeni me dije shefin për pritshmëritë tuaja. Kështu, edhe ju do të kuptoni në qoftë se ka diçka që ai mund të bëjë për t’iu ndihmuar ju në arritjen e qëllimit tuaj dhe pse jo edhe të kompanisë.

Vendosni prioritete

Ndoshta, një nga faktorët më të rëndësishëm për të maksimizuar karrierën tuaj është vendosja e prioriteteve. Në qoftë se ju nuk keni idetë e qarta rreth gjërave që janë më të rëndësishme për ju, rrezikoni të jeni duke humbur kohë të çmuar.

Dhe në fund qëndrojuni strikt qëllimeve tuaja. Ndiqni pasionet tuaja dhe punoni për to çdo ditë.

 

Back to top button