Në Bonn të Gjermanisë vendoset pllaka përkujtimore e Qeverisë në ekzil
Në Bonn të Gjermanisë të enjten është shpalosur pllaka përkujtimore e Qeverisë në ekzil të Republikës së Kosovës (1995-1999).
Ambasadori i Kosovës në Gjermani, Faruk Ajeti, ka thënë se zbulimi i kësaj pllake s’është vetëm akt simbolik.
“Është një akt mirënjohjeje dhe respekti – fillimisht për historinë tonë, për njerëzit tanë, për institucionet tona të atëhershme që vepruan në kushte të jashtëzakonshme, si dhe për shtetin mik gjerman, i cili ishte i vetmi shtet që asokohe e lejoi funksionimin e Qeverisë në ekzil në territorin e tij”, ka shkruar ai në Facebook me rastin e zbulimit të kësaj pllake.
Lexim me zë
Dëshiron ta dëgjosh këtë lajm me zë?